Berech üvver unser 2.Karnevalssitzung
en d’r Cafeteria vum evangelische Krankehuus Kalk
met freiem Entrett un met ner beste Stimmung
De Präses vun unserem BVK, dä Rainer Kreke,
hät all de Gäs begröß un moot dann an de Technik gon.
De Technik wor uns dankenswerterweise meddags
vum Michael Siegenbruck Entertainment, 50969 Köln,
zor Verfügung gestellt un gesponsert woode.
Dä Chef Michael hat se selvs gebraaht un opgebaut.
Jetzt moohte mer nur noch domet parat kumme.
Es dä Rainer och.
Parat kumme moote mer och domet
dat unsere eschte optritt schon nit do wor.
Dä opträckende Sturm hat se erwisch.
Jetz wor för uns, blos nit en e Loch erenfalle angesaht.
Ävver dat Vera Gerhards us dä Cafeteria
wor opgetrodde als Bruce Capusca
un et Ies wor gebroche.
Also direkteman donoh flugs
de Kinder- und Jugendtanzgruppe
vun dä Kölner Narren Zunft (koot: KNZ)
op de Bühn gehollt.
Die han de eschte „Superperfomance“ op de Bühn gebraaht.
Donoh woren se do; un och widder nit,
weil dä Jürgen nit dobei wor.
Dä Albert un dä Tommy vun De Knollis reloaded,
han dat Ding dann evvens allein gerock.
Die sin de älteste Boybad vun Kölle.
Un denne ehr Crew „Uss d’r Lameng“ hät uns
och noch rubbedidupp us de Nud erus geholfe!
Kratz und Krätzje,
Norbert Faßbender un Wolfgang Jaegers
han met Flitsch un Quetsch
altbekannte un selvsgeschrivvene Leeder vörgedrage.
Hatten et schwer gägen de Geräuchpegel anzekumme
un et bestens hingekräge.
Han uns engenomme.
Die Zwei wesse wovun se singe!
För de Jugendtanzgruppe Kölsche Greesberger
steiht „Spaß am Danze un an d’r Akrobatik“
Pyrotechnik em Saal es mittlerweile verbodde.
Die han met ehrem Optrett
e Feuerwerk medden em Saal veranstaltet.
Dä Frank Thomas, Lokalmatador he em Veedel,
hät uns evvenesu geholfe bei dä Technik
met singem zosätzliche Funkmikro.
Un dann singe Gesangsvörtrag gehalde.
Er wor durch de Reihe getrocke un de Lückcher
nett zom metsinge animiert.
Hä läv för Kalk e geföhltes soziales Engagement.
Dat Kindertanzcorps der
Fidele Grön-Wieße Rezag
der Porzer Ehrengarde e.V.
wor großartig aanzusin un hät uns all
met ehrem phantastische Optrett
och dis Johr schon widder große Freud bereitet.
Un die han all esu schöne Vörname.
Last but not least
„Weiße Rosen aus Athen“ vun Vera Gerhards
vörgedrage un verdeilt.
Noch ens ne Dank an de Sponsore:
Familie Schleypen, Cafeteria
Evangelisches Krankenhaus Kalk
Evangelische Kirchengemeinde
Michael Siegenbruck Entertainment
Donoh han mer met denne Helfer
vum Intergraionshaus e.V.
dä zur Verfügung gestellte Festsaal
en en Cafeteria zöröck verwandelt.
Mer freue uns op dat dritte Mol
weil mer dann schon
en de Tradition eren rötsche.
Mer wünsche üch all
noch en schöne Session
un freue uns op e Widdersinn.
Met beste Größ un „Kölle Alaaf“ an unser Veedel
vum Bürgervereinvorstand
G.H. 09.02.2020
***************************************************************
